रोटरी क्लब ऑफ पुणे हेरिटेजच्या वतीने आम्ही जगभरात विखुरलेल्या मराठी बांधवांसाठी एक अनोखा जागतिक मंच उपलब्ध करून दिला आहे. आपल्या मातृभाषेचा गोडवा, साहित्याचा वारसा आणि अभिनयाची आवड जिवंत ठेवण्यासाठी आम्ही दरवर्षी 'विश्व मराठी एकांकिका, बालनाट्य आणि मराठी कविता/उतारा सादरीकरण' या आंतरराष्ट्रीय स्पर्धांचे आयोजन करतो. भौगोलिक अंतर कितीही असले तरी, कलेच्या माध्यमातून मराठी मनांना एकत्र जोडणे आणि नवीन पिढीला मराठी संस्कृतीशी जोडून ठेवणे हेच आमचे मुख्य उद्दिष्ट आहे.